Да креирате кујна која ќе биде практична и функционална бара знаење и искуство. Истражувањата покажуваат дека кујната се користи најмалку 15 години. Затоа од голема важност е таа не само да изгледа убаво туку и да биде практична.
Добар работен тек, доволно простор за складирање и квалитетно движење се трите основни карактеристики за практична кујна. Следејќи ги овие принципи ќе Ви помогне да си обезбедите удобност и уживање во Вашата нова кујна во иднина. Затоа Ви нудиме 7 совети како да избегнете да направите грешки и паметно да го искоритете просторот во кујната.
1. Висечките елементи имаат врати со шарки.
Најчестата грешка која се прави со висечките елементи е вратата да се отвора странично со помош на шарки. Кога е отворена вратата Ви попречува во движењето, додека вратите кои се отвораат нагоре не Ви попречуваат во движењето и Ви нудат лесен пристап.
2. Елементите во долната зона се со полици.
Избегнете да користите елементи во долната зона со полици. Фиоките се повеќе ергономски, Ви помагаат да не се наведнувате притоа нудејќи Ви лесен пристап и брзо можете да го најдете тоа што Ви е потребно.
Совет плус
Фиоки со целосно извлекување
Користете фиоки со целосно извлекување да имате 100% прегледност до работите складирани во нив.
Организација за фиоки
Системите за внатрешна организација се идеални за чување и организирање на кујнскиот прибор.
3. Создадете повеќе простор за складирање.
Направете висок елемент со внатрешни фиоки. Така ќе имате голем простор за складирање на намирниците, а истовремено ќе имате прегледност и ќе Ви бидат лесни на дофат. Тој може да се имплементира во разни широчини од 300mm до 1200mm зависно од Вашите потреби.
4. Искористете го паметно аголот.
Најчест проблем во аголната кујна е неискористениот простор на аголот. Затоа Ве советуваме да употребите фиоки или механизми за аголни елементи.
Фиоките за аголни елементи – Tandembox Antaro Space Corner на Blum Ви нудат максимално искористување на аголот. Целосното извлекување на фиоките Ви нуди максимална прегледност и лесен пристап.
Аголните механизми Ви нудат решение со кое што мртвиот агол се искористува во целост. Механизмот се извлекува нанадвор што овозможува лесно и прегледно складирање, како и одржување на истиот. Овие механизми се достапни во варијанта лев и десен, па така ништо не Ве спречува да го организирате мртвиот агол.
5. Зони за поставување на елементите.
Размислете за Вашите секојдневни кујнски активности и организирајте го просторот во Вашата кујна. Кога се ќе се складира правилно, Вие ќе заштедите време и ќе го скратите патното растојание во кујната. Чувањето на најчесто користените предмети во нивната соодветна зона на лесно достапните височини обезбедува оптимален работен тек.
Ова се постигнува со делење на Вашата кујна во пет зони:
– Складирање на прехрамбени производи,
– Скалдирање на садови,
– Миење,
– Приготвување,
– Готвење.
6. Сортирање и складирање.
Сортирајте ги Вашите намирници и предмети по тоа колку често ги употребувате во постојано, често и ретко. Ако ги складирате според сликата ретко ќе треба да се наведнувате.
7. Висина на работна површина.
Идеалната работна висина ќе Ви ја направи работата во кујната поудобна (растојанието помеѓу лактот и работната површина треба да биде помеѓу 10 и 15cm).
