Дали живеете во еднособен стан или во гарсоњера? Дали собите во вашиот стан се мали?
За да биде вашиот мал стан практичен и удобен, фокусирајте се повеќе на мултифункционалноста на просторот. Изработката на мебел по мерка е идеално решение за дневната соба лесно да се претвори во спална соба со употребување повеќенаменски мебел, кујната и трепезаријата нека создават еден простор, а спалната соба нека ви служи и за работна соба.
Мебел по мерка
Предноста на мебелот по мерка е во можноста максимално да го искористите просторот, да направите комбинации на бои и стилови кои вам ви се допаѓаат и секако, сами да одлучите од каков материјал ќе биде изработено секое парче мебел. Мебелот и вградените елементи изработени по мерка и според вашите потреби овозможуваат да се искористи просторот кој обично го занемаруваме.
Механизми за лизгачки врати
Собните врати во малите станови се непрактично решение бидејќи зафаќаат простор при отворање на вратата. Како идеално решение се покажаа механизмите за лизгачки преградни врати. На тој начин добиваме функционален простор околу вратата.
Елементи со механизми на извлекување
Кујнските елементи со механизми што се извлекуваат се одлично решение за заштеда на простор и организирање на кујнскиот прибор. Во помалите кујни, високите двострани кабинети се практични бидејќи ја олеснуваат достапноста до предметите. Можете да оставите доволно простор од двете страни за полесно да посегнете во плакарот и задолжително да поставите преграда со средна висина за да не испаднат работите. Оние што ги користите најмалку ставете ги на најниската полица.
Механизмите за гардеробери што се извлекуваат се практични за примена и затоа се популарни. Со добро планирање и соодветни додатоци може да добиете дополнителен простор и поголема прегледност во гардероберот. Со тоа заштедувате време при избор на облеката и нејзино организирање.
Елементи со механизми на извлекување може да се инсталираат и во мала дневна соба. Во долната зона ви препорачуваме да поставите механизми за бифе, а доколку имате аголен елемент ви препорачуваме да поставите аголни фиоки. Во горната зона може да поставите полици со декоративни носачи на кои ќе поставите книги или декорации по ваш избор.
Осветлување
Малите простори можат да бидат пријатни, функционални и стилски, но честопати им недостасува природна светлина, што може да направи да се чувствуваат тесно и пригушено. Со вистинските решенија за осветлување, можете да го трансформирате тесниот простор во светло и привлечно засолниште.
Може да користите вградено LED осветлување за гипс картон низ должината на целиот ѕид или алуминиумски профили поставени во таван. Може да обезбеди суптилно и постојано осветлување без да зафаќа вреден простор на подот или ѕидот, правејќи просторот да се чувствува релативно поголем кога целата просторија е посветла.
